妃妃：「阿仔，出到嚟客廳玩要小心啲，節制啲呀，咪噢！」
黑貓仔包Dee：「點解玩都要小心呀？媽咪，咪噢。」
妃妃：「唔小心或者玩得太盡，會有後果㗎，咪噢！」
黑貓仔包Dee：「有咩後果呀？媽咪，咪噢！」
妃妃：「後果有輕重之分，咪噢。」
黑貓仔包Dee：「輕重點樣分呀？媽咪，咪噢！」
妃妃：「重則，如果玩嗰陣時整跌啲嘢，被發現，會畀人打，咪噢！」
黑貓仔包Dee：「唔緊要啦，媽咪，而家主人返咗工，主人個媽咪咁錫我哋，唔捨得打嘅，咪噢！」
妃妃：「傻仔，你都未知輕則嘅後果係乜嘢，咪噢！」
黑貓仔包Dee：「後果咁輕，洗咩驚喎，媽咪，咪噢！」
後來，貓仔包Dee盡情嬉戲，畀佢主人個媽咪睇到佢又可愛又活躍，忍無可忍，抱起佢，又摟又摸又捽又𡃶！不亦樂乎！貓仔畀佢玩到有啲暈陀陀.....
沒有留言:
張貼留言