貓仔包Dee：「你係咩嚟㗎？咁醜樣嘅？咪噢！」
狗仔飯飯：「你以為自己好靚咩？黑黯黯咁！汪！」
貓仔包Dee：「主人個媽咪話我靚㗎，咪噢！」
狗仔飯飯：「我聽到佢話你冇人要就真，汪！」
貓仔包Dee：「佢都好𡃶我㗎，我邊係冇人要呀？咪噢！」
狗仔飯飯：「但係我聽屋企裏面啲人講，你唔似你啲細佬妹，你搵唔到新主人呀，汪！」
貓仔包Dee：「係我唔肯跟人走咋，有次有個女仔想帶我走，我“淝”佢！結果佢帶走咗我個妹，咪噢！」
狗仔飯飯：「我聽到主人叫你做“賣剰蔗”，汪！」
貓仔包Dee：「其實你都未答我，究竟你係咩嚟㗎？咪噢！」
狗仔飯飯：「我咪係狗囉，無啲常識，汪！」
貓仔包Dee：「咁我哋即係唔同類啦，咁我唔睬你喇，咪噢！」
狗仔飯飯：「正一高竇貓！汪！」
沒有留言:
張貼留言