貝貝：「我已經好幾日冇返過自己住嘅地方啦！咪噢！」
我：「你仲有排都未返得入去呀。」
貝貝：「點解我要做“廳長”喎！咪噢！」
我：「因為多咗七隻未戒奶嘅貓仔囉！間房冇地方畀你咯！」
貝貝：「點解突然間多咗咁多豆丁㗎？咪噢！」
我：「因為你“好事多為”囉！有後果㗎！」
貝貝：「我做錯啲咩呀？咪噢！」
我：「唔算係錯，呢啲係貓公嘅本能，不過係多得滯啫。」
貝貝：「咁即係點呀？我唔明呀！咪噢！」
我：「遲啲你去問你老婆仔呀妃妃啦！」
貝貝：「咁我幾時先至唔使做“廳長”呀？咪噢！」
我：「你起碼要做多兩、三個月呀。」
貝貝：「咩話？唔制呀！咪噢！」
我：「冇得唔制，就算畀你返入房，幾個月後，你一定又要做“廳長”哈哈哈！」
貝貝：「咪噢......」......
沒有留言:
張貼留言