妃妃：「你喺度望咩呀？老公，咪噢！」
貝貝：「我睇下有冇人叫我囉！老婆，咪噢！」
妃妃：「你好想有人叫你出去咩？咪噢！」
貝貝：「少少啦，咪噢！」
妃妃：「你作死呀？咁想出去！重有呀！我擺曬pose你都唔望我！咪噢！」
貝貝：「我有苦衷㗎！老婆！咪噢！」
妃妃：「苦衷？出面有女人咋啩？咪噢！」
貝貝：「出面係有女人呀，你都知㗎，老婆，主人個媽咪同個妹呀嘛！咪噢！」
妃妃：「咩話？佢哋兩個你都“吼”？咪噢！」
貝貝：「聽主人話，佢媽咪係個靚女，咪噢！」
妃妃：「我都聽過，幾十年前，我同你都唔知喺邊度嗰陣吖嘛，咪噢！」
貝貝：「唔係我“吼”佢哋，係佢哋“吼”我呀，老婆，咪噢！」
貓主人個媽咪開門，叫：「貝貝。」
貝貝出門，妃妃想跟，貓主人個媽咪閂門！淨係貝貝出到去！然後，貝貝盡佢所能撒嬌！
貓主人阿媽：「食啦，貝貝，心肝椗。」
貝貝：「咪噢！」，撒嬌完畢，開始食肉肉。
貝貝心聲：「如果唔係主人媽咪咁樣叫我“開工”，我隻老婆仔咁大食，我讓曬啲嘢食畀佢，都幾難有餐飽嘢食囉！做𡃶老婆嘅老公真係唔容易！咪噢！」
沒有留言:
張貼留言