貝貝：「嚟啦老婆！咪噢！」
妃妃：「走開呀！衰公！咪噢！」
貝貝：「而家係關鍵時刻，我唔可以走開㗎！老婆，咪噢！」
妃妃：「你好可惡呀！咪噢！」
貝貝：「老婆，我重以為你做咗阿媽，脾氣會好啲添，原來唔係㗎？咪噢！」
妃妃：「哼！你“好事多為”！重好講？咪噢！」
貝貝：「呢啲係自然定律，而且你係我老婆，有咩唔妥呀？你唔好咁嬲啦！咪噢！」
妃妃：「即使係自然定律，你都唔使咁心急㗎，我哋上一批仔女先得兩個月大咋，衰公！咪噢！」
貝貝：「我心急做實驗呀嘛，老婆，咪噢！」
妃妃：「乜嘢實驗呀？你想知啲咩呀？真係多藉口！咪噢！」
貝貝：「我想知如果你再生啲貓仔出嚟，會唔會又係全部都唔似我，唔係黑就係灰，一隻黃色都冇囉！如果係就慘囉！咪噢！」
妃妃：「就算係又點喎？你啲基因“弱雞”，關我咩事？咪噢！」......
沒有留言:
張貼留言