貝貝：「濃情蜜意隱藏心中！願你某天必然猜中！貍奴站到一米外，你可感到，風吹葦草動？咪噢！」
妃妃：「你唱乜呀？老公，咪噢！」
貝貝：「唱情歌囉，老婆，你感唔感動呀？咪噢！」
妃妃：「乜嘢係貍奴呀？老公，咪噢！」
貝貝：「貍奴咪即係貓囉，老婆，咪噢！」
妃妃：「係咩？你點知㗎？咪噢！」
貝貝：「人類睇嗰啲古裝片裏面，皇帝嘅寵物貓，都畀人叫貍奴㗎！咪噢！」
妃妃：「係咩？但係主人唔睇古裝片㗎喎！咪噢！」
貝貝：「主人個阿媽同個妹睇呀嘛，我個名都係好似係咁樣嚟㗎咋！係嚟至貝勒的貝，古裝片裏面嗰啲貝勒有好多老婆㗎，咪噢！」
妃妃：「係咩？你係唔係想有樣學樣呀？咪噢！」
貝貝：「唔係呀！咪噢！」，不過，佢心想：「主人有個朋友屋企咪有隻布偶貓女嘅？聽講好靚女，好溫柔㗎噃！咪噢！」......
沒有留言:
張貼留言