我唱：「落街冇錢買麵包，靠賒又怕被人鬧！肚飢似餓貓......」
妃妃心想：「嘩！好難聽呀！等我引你注意，等你唔好唱至得！咪噢！」
我：「妃妃，你做乜整到隻碟噹噹聲呀？咦？你食曬啲貓糧呀？」
妃妃心想：「佢冇眼睇嘅咩？仲要問我？傻嘅佢，咪噢！」
我：「點解你突然間咁大食㗎？連你個老公仔呀貝貝嗰份都食埋。」
妃妃：「唔得咩？本小姐肚餓呀，咪噢！」
我：「你唔驚我親你個老公仔咩？到時要輪到佢做做貓囉！」
妃妃心想：「餓親佢唔係我嘅問題，係你哋啲人類嘅問題，咪噢！」
我：「點解你突然之間會咁肚餓㗎？妃妃。」
妃妃心想：「咪嗰隻冇膽鬼囉！去邊都要我行先，發生乜事都淨係識得匿喺我後面！一隻暖爐又驚！吸塵機有驚嘅貓公！如果我有得揀，真係唔嫁畀佢呀！而家我要化悲憤為食慾！咪噢！」
我唱：「如果，命運能選擇......」
妃妃心想：「真係激死貓喇！咪噢！」
沒有留言:
張貼留言