貝貝：「老婆，你唔好咁怕醜啦！咪噢！」
妃妃：「都話而家未係時候咯！走開啦你！咪噢！」
貝貝：「有仔趁嫩生呀，老婆，咪噢！」
妃妃：「貓哋而家仲係未成年少女呀，咪噢！」
貝貝：「你已經做咗我老婆一個月喇！大隻女喇！有啲人類都係好早結婚㗎咋！咪噢！」
妃妃：「你又知？咪噢！」
貝貝：「主人個媽咪睇電視嗰個節目裏面個婆婆係咁㗎！年紀唔係好大，已經兒孫滿堂！我哋都要兒孫滿堂！咪噢！」
妃妃：「唔使你養，你就梗係講得輕鬆啦！咪噢！」
貝貝：「咁我哋天生就係身嬌肉貴，有人養㗎嘛！唔好咩？咪噢！」
妃妃：「梗係好啦！但係我驚生完仔之後變肥婆貓呀！咪噢！」
貝貝：「你唔使驚㗎！老婆，咪噢！」
妃妃：「點解呀？咪噢！」
貝貝：「你食咁多嘢，係唔係都肥㗎啦！驚咩呀？老婆！咪噢！」
妃妃：「......」
沒有留言:
張貼留言